Thursday, July 13, 2017

Ийм байдалтай хэр удахаа ч үнэндээ мэдэхгүй байна


          Ахиад л ахиад л шуналдаа хөтлөгдөөд гэрийнх нь гадаа цонхон доор нь очоод суучихсан байсан. Бараг 3 цаг гаран байх. Магадгүй энэ удаад царайг харж магадгүй гэж дэндүү их найдсан байх. Гэхдээ энэ удаад би илүү их азтай байсан шүү. 3 хан метр тэрэнтэйгээ 3 хан метр ойрхон байсан ч гэсэн миний зориг үнэхээр хүрээгүй. Яагаад гэдгийг нь мэдэхгүй юм. Тэрнийхээ царайг харж чадаагүй хэрнээ надаас хэдхэн метрийн зайд байгааг мэдчихээд бүх бие хөшчих шиг болсон, хөдлөх байтугай харц минь ч тогтохгүй бүх бие салгалаад л, сандраад л, зүрх хэр хурдан цохилж байсныг ч үнэндээ мэдэх юм алга. Яг л 4 жилийн өмнө анх тэрэнтэйгээ уулзах гэж байхдаа мэдэрч байсан яг л тэр бүх мэдрэмж тэр чигээрээ байсан. Олон жил өнгөрсөн ч бүх зүйл яг л анхных шигээ дэндүү гайхалтай бас аймшигтай. Энэ урт удаан хугацаа өнгөрсөн ч гэсэн өдөр бүр яг л анхных шигээ түүнийгээ шинээр хайралдаг болохоор тэр юм бол уу ??? Хичнээн тэр минь өөр нэгнийг хайрладаг болоод удаж байгаа ч гэсэн дээ ...  :( Би мэдэрдэг түүнийгээ эд эс бүрээрээ ... одоо ч гэсэн яг л хэвээр ... Хэдэн мянган км- ын алсад байсан тэр минь хэдхэн метрын хажууд байхад санасан шүү гээд очоод тэвэрч чадахгүй, хайртай шүү гээд духан дээр нь зөөлхөн үнсэж чадахгүй, ганцахан минут ч уулзах байтугай алсаас ч царайг нь харж чадахгүй байна гэдэг ...
Энэ мэдрэмж ........................................................
Ийм байдалтай хэр удахаа ч үнэндээ мэдэхгүй байна.





Wednesday, July 12, 2017

Шунал


Хүн хүн гэдэг магадгүй хамгийн шуналтай амьтан байх. Тэрнийхээ царайг ганцахан ганцахан удаа харчихвал өөр юу ч хүсэхгүй гэж өөртөө хэлж байсан. Хүссэнэрээ би тэрнийхээ царайг холоос ч  гэсэн дээ ганцахан удаа харж чадсан. Гэхдээ би шунасан царайг нь ганцахан удаа харчихвал хангалттай өөр юу ч хүсэхгүй гэж өөртөө хэлж байсан ч гэсэн би шунасан ахиад ганцахан удаа царайг нь харахыг хүссэн. Магадгүй тэр шуналаасаа ч болсон байх өнөөдөр өөрийн мэдэлгүй л тэрнийхээ гэрийн гадаа цонхон доор нь очоод суучихсан байсан. 3 эсвэл 4 цаг мэдэхгүй дээ хэдэн цаг суусанаа ч мэдэхгүй байна. Ахиад ганцахан ганцахан удаа царайг харахыг хүссэн тэр шуналаасаа болсон байх л даа. Гэхдээ өнөөдөр би азгүй байсан гэхүү дээ царайг нь харж чадаагүй ээ. Хүн гэдэг дэндүү шуналтай амьтан ч дэндүү сохор зөнтэй байдаг юм шиг. Хамгийн муу луу нь өөрийн мэдэлгүй тэмүүлдэг гэдэг шүү дээ яг л үүнтэй адил хорвоог хамт туулах хань минь гэдгийг мэдсээр байж уурлуулж, хатуу үгсээр дэндүү ихээр гомдоодог. Алдсан хойноо л ухаардаг нь хүмүүний хамгийн том эмгэнэл байх л даа. Би өдөр бүр, цаг минут бүр харамсаж, гутарч сууна даа. Чаддагсан бол хүн бүхэнд энэ зүйлийг тархинд суутал мэдүүлж өгөх юмсан. Даанч энэ бол хүний амьдрал шүү дээ ... 
Магадгүй маргааш ч гэсэн өөрийн мэдэлгүй гэрийнх нь цонхон доор очоод суух байх даа. 
Тэр минь миний Мөрөөдөл шүү дээ. Би Мөрөөдлөө хэзээ ч орхиж чадахгүй ... 


Tuesday, July 11, 2017

Бороотой хамт яваад, Бороотой хамт ирж байна


Одоо 2 хон 2 хон цагийн дараа чи минь ирлээ. Үнэхээр их баярлаж, хөөрж дэндүү их аз жаргалтай байна. Аль хэдийн чи минь өөр нэгнийг хайрлах болсон ч гэсэн. Яг л энэ өдрийг, энэ мөчийг ямар удаан хүлээлээдээ. Чи минь ч гэсэн эх орон, гэр бүл, найз нөхөд дээрээ ирэх гээд ямар их баярлаж, догдлож байгаа бол. Онгоц нь 23:40 минутанд газардана гэсэн. Чамдаа мэдэгдэлгүйүгээр холоос болтугай царайг нь харахыг ямар их хүсэж байна гээч. Ахиж царайг харж чадахгүй байх л гэхээс дэндүү их айж байна. Эмнэлэгээсээ оргоод гараад ирсэн болохоор нисэх буудал дээр ганцахан минут ч гэсэн царайг нь холоос харчихаад шууд л эмнэлэг лүү гээ явна даа. Үнэхээр их өвдөж байгаа ч гэсэн яг одоо бол үнэхээр юу ч мэдрэгдэхгүй юм. Зүгээр л энэ хорвоо дээр хамгийн жаргалтай хүн нь ганцахан би юм шиг л ... 

Чи минь 2 жилийн өмнө бороотой хамт алс хол хүний нутаг луу ирээдүйнхээ төлөө, эрдэм ном сурахаар мордсон. Харин өнөөдөр чи минь бороотой хамт эх орондоо эргэн ирж байна ... Бурханаас надад өгсөн хамгийн нандин бэлэг минь ... 


Monday, July 10, 2017

Гэртээ тавтай морил


2017 оны 7 сарын 11- ны өдөр аль хэдийн 2 жилийн хугацаа өнгөрчихөж. Хамгийн хурдан, хамгийн гайхалтай зүйл бол цаг хугацаа гэдэг байхаа. Энэ урт хугацааны дараа чи минь эргээд эх орондоо ирж байна. Хамгийн нандин гэр бүл, хамгаас хайртай найз нөхөдтэйгээ урт удаан, хүнд хэцүү цаг хугацааны дараа хамгийн нандин бүхэнтэйгээ уулзах гэж байна. Чиний өмнөөс би дэндүү их баярлаад догдлоод байх юм. Яг л бид 2- ийн ярьдаг, төсөөлдөг байсан шиг тэр л учрал, тэр л мөч хэсэгхэн хугацааны дараа дохиох гэж байна. Гэхдээ надгүйгээр ... Гэхдээ холоос чинийхээ царайг харах болно оо. Би очих болно оо нисэх буудал дээр чамайгаа тосох болно. Яг л чамайгаа 2 жилийн өмнө алс хол хүний нутаг луу үдэн гаргаж өгж байсан яг л тэр өдөр шиг ... Догдлол, сандрал, хүлээлтээс илүү үнэхээр их айдас надад байна. Энэ урт удаан хугацааны дараа чамайгаа тэвэрч чадахгүй, чамайгаа мэдэрч чадахгүй, санасан шүү гээд үнсэж чадахгүй. Холоос царайг чинь харахаас өөр юу ч хийж чадахгүй гэдэгээ бодохоор арай хийж л тэвчиж байна. Уг нь ийм зүйлс бичих ёсгүй байсан юмсан уучлаарай. Эх орондоо, эх нутагтаа, гэр бүлдээ, найз нөхөддөө, гэртээ тавтай морил доо чи минь.


Wednesday, June 28, 2017

Ойн баярын мэнд




Блогдоо юм бичилгүй аль хэдийн хоёр сарын хугацаа өнгөрчээ. Энэ хоёр сарын хугацаа үнэхээр урт бас дэндүү их зүйлс болсон хоёр сар байлаа гэхүү дээ. Цаг хугацаа урсдагаараа урсаж, өдөр хоног өнгөрдөгөөрөө өнгөрсөн ч гэсэн тэрнийгээ бодоогүй, үгүйлээгүй өдөр хоног, цаг хугацаа, хором мөч надад байгаагүй ээ. Алхаж байгаа алхам бүрт минь, амьсгалж байгаа агаар бүрт минь тэр минь байсан хэвээр. Өнөөдрийн хувьд 2017/06/28 ны өдөр гэхдээ 29 гэж блог дээр гарах болуу яагаад гэвэл тэрний минь байдаг газар одоо 28 болж байгаа болохоор. Энэ ямар өдрийг яагаад ингэж тодотгоод байгаан бол гэж гайхаж магадгүй л юм. Энэ ямар өдөр вэ гэж үү энэ бол тэрэнтэйгээ үеэрхэж, албан ёсоор найз бүсгүйгээ болгосон өдөр юм л даа. Тэрнийгээ хамгийн анх харсанаас хойш 4 жил гарангийн хугацаа, хамтдаа амьдралын алдаа оноо бүхнийг хамтдаа туулаад 3 жилийн нүүрийг аль хэдийн үзжээ. ( Гэхдээ одоо хэрнэ хамт байсан бол шүү дээ ). Одоо тэр минь алс хол хүний нутагт мөрөөдлийнхөө төлөө, ирээдүйнхээ төлөө эрдэм ном сурж байгаа. Бас өөр нэгнийг чин сэтгэлээсээ хайрлаад удаж байгаа. Гэхдээ тэрнийхээ харцнаас аз жаргалтай байгааг нь хараад, ирээдүй нь гэрэл гэгээгээр дүүрэн байгааг хараад, тэрнийгээ хамгийн мундаг нь байгааг хараад, хайр халамжаар дүүрэн бялхаж байгааг алс холоос хараад, би хамгийн ихээр баяралдаг юм. 
Минийх болоогүй тэр нэгэн  бүсгүй мөнхөд би тэрнийг л гэнэ. Энэ блогийг, миний бичиж байгаа энэ зүйлийг магадгүй хэзээ ч тэр уншихгүй байж ч мэдэх юм. Гэхдээ чамдаа энэ гайхалтай өдрийн мэндийг хүргэе. 3 жилийн ойн баярын мэнд хүргэе. Үргэлж аз жаргал, хайр халамжаар бялхаж яваарай. Тэгвэл би ч гэсэн жаргалтай байх болно ... 


Thursday, April 27, 2017

Мөрөөдөл


Үнэхээр үнэхээр аймшигтай 7 хоног болж өнгөрлөө. Би өмнө нь бичиж байсан даа маш удаан бэлдэж, тэвчиж, хүлээсний эцэст тэрэн лүү чат бичсэн гээд. Гэхдээ үр дүн нь миний хамгийн их айж байсан тэр зүйлс байсан юм. Юу гээч тэрний сэтгэл дотор намайг гэх өчүүхэн ч хэсэг үлдээгүй гэдгийг би мэдэрсэн юм. Тэр намайг битгий чат бичээд бай гэсэн :) Би иймэрхүү зүйлс сонсож магадгүй гэдгийг гадарлаж байсан болохоор сэтгэлээ чадхаара л бэлдсэн байсан л даа. Гэхдээ тэр зүйлсийг сонсоод яг л бүх зүйл, мөрөөдөл минь ороноороо эргэчих шиг болсон ахиад л тэр харанхуй нүхэнд буцаад уначихсан юм шиг л санагдсан ... Гэхдээ би ингээд л буугаад өгчихгүй ээ ингээд л тэрнийгээ хайрлахаа больчихно гэж юу байхав дээ ... Хэдхэн удаа чат бичсэн ч гэсэн яг л тэр минь над дээр эргээд ирчихсэн юм шиг би ямар их жаргалтай байсан гээч ... хэдхэн хором ч гэсэндээ надад тийм их жаргал мэдрүүлсэн тэрэндээ маш их баярлаж байна. Хичнээн тэрний дотор намайг гэх өчүүхэн ч гэсэн орон зай үлдээгүй гэдгийг мэдэрсэн ч гэсэн би тэрэндээ улам их татагдаж түүнийгээ улам их хайрлах зоригтой болсон гэх юм уу даа ... Энэ олон жил өнгөрсөн ч гэсэн. Магадгүй зарим нь намайг галзуурчихсан, мэдрэл муутай ч гэж бодож магадгүй л байх. Гэхдээ жинхэнэ хайр гэдэг хүний амьдралд ганцахан тохиолддог юм шүү. тэр хайраа яагаад ч алдаж болдоггүй юм шүү залуусаа. Миний хувьд би мөрөөдлөө хэзээ ч орхихгүй ээ. Тэр минь миний мөрөөдөл юм шүү дээ. Олон жилийн өмнө би өөрийнхөө мөрөөдлийг орхин тэрнийгээ сонгож байсан юм. Яг л тэр мөчөөс хойш тэр минь миний мөрөөдөл болсон юм. Юу ч болж байсан чи мөрөөдлөө яагаад ч орхиж болохгүй мөрөөдлтйнхөө төлөө тэмц мөрөөдлийнхөө араас гүй гүйж чадахгүй бол алх алхаж чадахгүй мөлх бүүр чадахгүй бол мөрөөдлийнхөө зүг хараад хэвт гэдэг байхаа. Ямар ч байсан мөрөөдлөө яагаад ч орхиж болохгүй. Чиний мөрөөдлийнхөө төлөөх хүсэл, тэмцлийг зогсоож чадах ганцахан хүчин зүйл бол чи өөрөө гэдэг байхаа. Тийм болохоор би мөрөөдлөө орхихгүй ээ. Тэр минь миний Мөрөөдөл юм шүү дээ ... Энэ олон жил өнгөрсөнч гэсэн Би итгэдэг, бас тэвчээртэйгээр хүлээдэг ... Бидний хайрын түүх дуусаагүй ... 


Saturday, April 22, 2017

Даанч ...


Үнэхээр олон зүйлс болсон 3 хоног байлаа. Миний маш удаан хүлээсэн бас хичээж бэлдэж байсан тэр өдөр асар урт хугацааны дараа ирсэн юм. Би тэрэн лүү чат бичсэн. Ямар их зориг гарган байж чат бичсэн гээч. Даанч үр дүн нь тийм сайн байсангүй ээ. Би буруу зүйл хийчихсэн бололтой. Өөрийгөө улам л их зовоох, шаналгах зүйлээ хийчихсэн юм шиг. Яагаад яагаад тэгэж бодов гэж үү ? Өмнө нь ямар ч холбоогүй байдаг байсан болохоор тэрнээс юм хүлээдэггүй байсан юм. Чат бичих бол уу гээд л ... Харин одоо бол хэзээ юм бичих бол яагаад хариу бичихгүй байна, яагаад сийн дээд орхичив, би саад болоод байгаан болуу, надтай холбоотой баймааргүй байгаан бол уу ? гээд л улам их шаналах юм. Цаг минут бүр чатаа ширтээд л ... Өдөр ирэх тусам л бага багаар үхэж байх шиг. Өдөр бүр сэтгэл минь шархалж, зүсэгдэж, өдөр бүр л сэтгэл минь өмрөх юм. Туйлдаж ямар ч тэнхэлгүй болох юм. Хамгийн хэцүү зүйл юу гээч хэн нэгнийг санасан сэтгэл чинь бэтгэрэх ... Хамгийн хэцүү нь юм шиг. Гэхдээ гэхдээ би бууж өгөхгүй ээ бас шантрахгүй. Ийм үе байдаг л юм яг л сурсанаараа даваад гарна даа. Хэн ч мөрөөдлөөсөө буцдаггүй шүү дээ. Тэр минь миний мөрөөдөл юм шүү дээ. Энэ олон жил өнгөрсөн ч гэсэн би итгэдэг намайг мартаагүй гэдэгт нь, би хүлээдэг эргээд над дээрээ ирнэ ээ гэдэгт нь. Би өглөө бүр мандаж байгаа нарнаас гуйж, үдэш бүр тэнгэрт түгэх оддоос гуйдаг өдөр бүр шүү ... Бидний хайрын түүх дуусаагүй 


Sunday, April 16, 2017

Халамж


Хэд хоног блог доо юм бичээгүйн байна. Юм бичээгүй хэд хоносон гээд тэрнийгээ бодоогүй, санаагүй цаг минут гэж надад байхгүй ээ. Халамж, халамж гэж яг юу юм бэ ? Халамж гэдэг хайрын хамгийн том илэрхийлэл юм шиг . Харин хайр гэж юу юм бэ ? Дурлал дуусаад хайр эхэлдэг гэж нэгэн агуу хүн хэлсэн байдаг байхаа. Дурлал гэдэ үгний язгуур нь дур буюу дур хүсэл гэсэн үгнээс гаралтай харин хайрлах гэдэг үгний язгуур нь хайр, дур хүсэлээсээ илүү сэтгэлээрээ уусах тэр мэдрэмж нь хайр байх. Энэ бол зөвхөн миний бодол юм шүү. Хайр гэдэг ийм л нандин зүйл. Харин хайрын хамгийн том илэрхийлэл бол халамж юм. Бусад хүмүүс халамж гэдгийг хэтэрхий том зүйлээс эхлэж ойлгодог юм шиг. Харин миний хувьд халамж гэдэг энгийн л нэгэн сайхан амарсан уу ? Сайхан амраарай гэдгээс эхэлдэг юм шиг. Тэр минь над даа өглөө бүр ганцахан надад л зориулж бичлэг хийж, зурагаа уртаас урт өглөөний мэндтэй хамт зөвхөн бид 2 ийн нүүр номны груп д үлдээдэг байсан юм. Тэрнийг нь өглөө бүр үзээд, уншаад хичээл, ажилдаа гардаг байлаа. Тэгээд л тэр өдрийг эрч хүчээр дүүрэн өнгрүүлдэг байлаа даа. Хүн гэдэг тийм л сэтгэлийн амьтан, хайртай хүнээсээ ганцахан гайхалтай үг сонсоод л тэр өдөржингөө тэнгэр дээгүүр ниснэ. Тэр минь тийм л гайхалтай бүсгүй байгаа юм даа. Намайг хэзээ  ч хайр, халамжаар дутааж байгаагүй дээ. надаас хэдэн мянган км - ын алсад байдаг ч гэсэн яг л хажууд минь байгаа юм шиг цаг минут бүр л миний төлөө санаа зовж, халамжилж, анхаарал тавьдаг байсан юм. Дэндүү их жаргалын хажууд хүн тэсдэггүй юм гэсэн. Тэгээд л би тэрнийгээ хатуу үгээр гомдоодог байсан байх даа ... Дэндүү их санасан сэтгэлээсээ болоод бухимдаж, бачимдаж тэрэндээ хатуу үгс хэлж гомдоож байсан даа. Одоо тэрэндээ цаг минут бүр л харамсанх юм . Хүн гэдэг амьтан алдсаныхаа дараа л ухаардаг гэж ... Энэ олон уил өнгөрсөнч одоо хэрнэ надад боломж байгаа гэдэгт, бидний хайрын түүх дуусаагүй гэдэгт итгэж найдаж сууна даа ... 
Доор байгаа зурагны хувьд монголд аль хэдийнээ 4 сар гарчихсан хавар болчихсон гэхдээ өнөөдөр энэ өвөл ч ороогүй их цас ороод тэгээд л тэрнийгээ улам ихээр санаад хаа сайгүй тэрэнтэйгээ хамт байсан дурсамжууд яг л өчигдөрхөн юм шиг л ... Яг л зул сар, шинэ жил болох гэж байгаам шиг нэг тийм мэдрэмж. 2 хон шинэ жил 2 хон зул сар 2 хон төрсөн өдөр тэгээд л ................. энэ талаар, яг энэ тухай дараа нь бичих болно оо. Тэрний минь байгаа газар одоо бас л яг хавар болж байгаа ... тэр минь жоохон л даарчихаараа тэр дороо ханиад хүрээд хатгаа авчих гээд байдаг юм. Тэрэндээ санаа зовоод байх юм. Дулаарч байгаа гээд нимгэн хувцаслаад даарж хөрөхвий, хоол цайгаа сайн ууж байгаа болуу гээд л тэр минь халуун юм уухдаа тийм ч сайн биш л дээ тэгээд л ... Гэхдээ тэр минь сайн байгаа би мэдэж байна ... Тэрэндээ итгэж байна ... 


Wednesday, April 12, 2017

Үүрд үлдээч


Сайн уу ??? Чамдаа энэ гайхалтай өдрийн мэндийг хүргэе. Үнэхээр их санаж бас үгүйлж байна. Зарим хосууд салсан гээд л нэг нэгнийгнн блоклож, найз ч байхаа больж янз янзын л зүйлс болдог. Харин миний хувьд эсэргээрээ одоо хэрнэ миний нүүр номон дээр тэрний минь хийсэн зураг, пост гээд л бүх зүйл нь хамгийн эхэнд гарж ирдэг. Ганц нүүрном гэлгүй, инстаграм гээд л ... Бүхийл зүйлийг нь би хамгийн эхэнд хардаг гэх үү дээ. Итгэдэг хүлээдэг иргээд над дээрээ ирнэ гэдэгт нь. Тэр итгэлээрээ л өдийг хүртэл явж байна  даа. Би өөрийнхөө мөрөөдлийг золиослон байж тэрнийгээ сонгосон юм. Тэр л өдрөөс хойш тэр минь миний мөрөөдөл болсон доо ... Мөрөөдөл минь байсаар ч байх болно оо ... Мөрөөдөлгүй хүн үхмэлээс ялгаагүй шүү дээ ... Цаг минут бүр мөрөөдлийнхөө төлөө тэмцэж байна, тэмцсээр ч байх болно оо ... 

 

Friday, April 7, 2017

Улам бүр л ...


Өдөр бүр улам л хэцүү болж байна ... Яагаад яагаад гэж өөрөөсөө байнга асуух юм. Би бодсон юм тэр хүнийг анх харсанаас хойш аль хэдийн  5 жилийн хугацаа өнгөрсөн байна. Тэр хүнийг хайрлаад маш удаан хугацаа өнгөрчээ. Гэхдээ өдөр бүр л яг л анхных шигээ тэрэндээ шинээр дуралдаг. Хичнээн алс хол байгаа ч гэсэн, хичнээн надаас явсан ч гэсэн. Би зарим хүмүүсийг үнэхээр гайхах юм 2 ч хүрэхгүй сарын өмнө хэн нэгнийг хайраа гээд дуудаж  явсанаа төд удалгүй өөр нэгнийг хайраа гээд хамтдаа ирээдүйгээ яриад явах юм. Энэ бүхэн зүгээр л ийм амархан байдаг юм уу ? Эсвэл би бүх зүйлийг хүндрүүлж, хүндээр тусгаж аваад байгаа юм уу ? Хэн нэгнийг хайрлана гэдэг эсвэл тийм амархан болчихсон юм уу ? Харин Би гэдэг хүн олон жилийн өмнө тэрэндээ хэлсэн үг, амалсан амлалт болгондоо багтаж дуусахын тулд өдөр бүр цаг минут болгон хичээж, тэвчиж, хүлээж байна даа. Үнэнч гэдэг үгний үнэ цэнэ нь цаг хугацааны уртад хувирашгүй, нугарахгүй байхдаа гэдэг байхаа. Өнөөдөр тэрнийгээ монголд иргэж ирнэ гэдгийг сонссон юм 7 сарын 6 нд ирнэ гэсэн. Гэхдээ түр хугацаагаар л даа ... 2 жилийн дараа ирэх гэж байна шүү дээ. Найзууд нь надаас баярлаж байна уу ? гэж асуусан юм. Миний хувьд баярлах биш үнэхээр их айж байх шиг. Тэртээ хол биш хажууханд минь байгааг мэдсээр байж уулзаж чадахгүй. Харж байгаа хэрнээ очоод тэврээд авч  чадахгүй. Өөр нэгний гарнаас атгаад явж байгааг нь харна гэхээр улум бүр л зүрх зүсэгдэж, улам бүр л хэцүү болох юм шиг. Гэхдээ тэр минь эх орондоо эргэж ирээд хайртай найз нартайгаа, найз залуутайгаа уулзаад жаргалтай байна гэхээр сайхан байна аа ... Би яхав дээ алсаас л жаргалтай инээмсэглэлийг нь харж байвал болно доо ... Гэхдээ л сэтгэлийн минь гүнд ...............



Monday, April 3, 2017

Итгэл найдвар


Тэрний минь хамгийн сайн найзуудын нэг өнөөдөр тэмцээнтэй гээд очиж үзэнгээ, уулзсан юм. Тэрнийхээ талаар ярилцаж сэтгэлээ жоохон ч гэсэн онгойлгосон юм. Тэрний минь хамгийн сайн найзууд бүгд л надад маш сайн л даа. Өнөөдөр нэг гайхалтай зүйл сонсоод үнэхээр их баярлаж, итгэл найдвар минь улам л их баталгаажсан шүү. Найзууд нь бүгд л бид 2- ыг эргээд хамтдаа байгаасай гэж хүсдэг гэсэн. Би үнэхээр их баярлаж байгаа. Тэрний минь сайн назйууд бүгд л тэрнээс минь дуталгүй намайг сайн мэддэг. Тэр минь байнга л найзууддаа миний талаар ярьдаг байсан юм. Хүн болгон бид 2т  атаархадаг тийм л сайхан хосууд байлаа. Тэрнийгээ өдөр бүр, цаг минут бүр л санаж, үгүйлэх юм даа. Нээрээ өнгөрсөн шөнө тэрнийгээ зүүдлээд чангаас чанга тэвэрчихээд л усан хулгана болтлоо, ээртлээ уйлж байна гэж зүүдэлсэн. Анх тэрнийгээ явсанаас хойш өдөр бүр л зүүдэлдэг байлаа. Тэгээд зүүдлэлгүй нилээн удсан юм. Тэгээд тэрэнтэйгээ холбоочгүй байдаг болохоор орой бүр л ядаж зүүдэндээ учрах юмсан гэж хүсдэг байлаа. Магадгүй хэтэрхий их хүсдэг болохоор зүүдэнд минь д ч орж ирдэггүй байх л даа. Гэхдээ зүүдэлсэндээ бүүр үнэхээр үнэхээр их баярлаж байгаа шүү. Яг үнэнээ хэлэхэд тэрэнтэйгээ би холбоочгүй байдаг юм. Найзууд нь хүртэл хэдэн мянган км- ын хол холбоо ч байхгүй яаж тэвчиж, хүлээж, улам ихээр хайрлаж чаддаг байна аа гээд л  ... Энэ бүхэн үнэхээр хэцүү л дээ үнэхээр хэцүү ... Гэхдээ дэндүү их хайртай болохоор, иргээд над дээрээ ирнэ гэж чин сэтгэлээсээ итгэдэг болохоор, бидний хайрын түүх одоо хэрнэ дуусаагүй гэж найддаг болохоор л бүхнийг тэвчиж хүлээдэг юм. Аав ээж минь хүртэл дэндүү их хайртайг минь мэддэг болохоор бүх зүйл сайхан болно оо ... миний хүү тэвчээртэй хайрдаа үнэнч байдаг юм шүү гэж ирээд л манай торомгор алаг буцаад заавал ирнэ ээ гээд л ... Аав ээж 2 минь тэрнийг минь торомгор алаг гэж дууддаг байсан юм. Аав ээж минь үргэлж хажууд минь байж сэтгэл санаагаар дэмждэг болохоор хүчтэй байж чаддаг юм. Гэр бүлээрээ л тэрнийгээ эргээд ирээсэй гэж хүсэж, найдаж сууна даа ... 
"Би зүрхэндээ нууцхан гуйлаа
 Буцаад ирнэ гэж өөртөө шивнэ лээ
 Би дандаа чамтай хамт байхыг хүснэ ээ
 Үргэлж надтай үүрд би чамтай"


Wednesday, March 29, 2017

Хөг аялгуу

Хөг аялгуу, дуу гэдэг зүйл үнэхээр гайхалтай. Чи тэрнийг сонсоод уйтгар гуниг, аз жаргал гээд бүхнийг мэдэрч болно. Чи хэрвээ хүсвэл сайхан дуу сонсоод эргээд очихыг хүсэж байгаа яг тэр үедээ эргээд очиж болно гэж би боддог юм. Тэр минь үнэхээр үнэхээр гоё дуулдаг юм. Тэрнийгээ дуулахаар дууных нь хөг аялгуу бүрт би улам ихээр дуралдаг баййсан юм. Тэр минь яваад аль хэдийн 2 жил өнгөрчээ. Өдөр бүр санаж, цаг минут бүр үгүйлэх юмдаа. Алхасан алхам бүр, амьсгалсан агаар болгонд  тэр минь мэдрэгддэг болохоор аргачгүй биз дээ. Тэр минь л аз жаргалтай байвал миний хувьд тэр л хангалттай. Гэхдээ над дээрээ хэзээ нэгэн өдөр заавал эргээд ирнэ гэдэгт би итгэж, найдаж хүлээж байна даа ... Энэ бичлэгний хувьд тэрнийгээ явахын өмнө хамтдаа гарцгааж нэг өдрийг хэзээ ч мартагдхааргүй гайхалтай өнгрөөсөн юм. Тэр өдөр тэрэндээ зориулж дуулж өгсөн дуу байгаа юм. Тийм ч сайхан дуулдаггүй болохоор битгий шоолоорой. Энэ дууг сонсох бүртээ тэрнийгээ улам их санаж, үгүйлэх юм. Хэзээ нэгэн өдөр чи минь миний энэ блогийг үзээд, миний бичиж үлдээдэг бүх зүйлийг үзээд миний сэтгэлийг жоохон ч гэсэн ойлгоосой гэж хүсэж байна даа. Надад өөр хүсэх зүйл алга даа ...



Tuesday, March 28, 2017

Санахын жаргал


Блог доо юм хийж амжсангүй 4 хоночихлоо. Хэд хоног жоохон завгүй байлаа. Энэ удаа юу вэ гэж үү санахын жаргал. Жаргал гэдэг үгийг хүмүүс олон утгаар л ойлгодог байх. Харин миний хувьд зүгээр л хэн нэгнийг хайрлана гэдэг чамайг гэдэггүй байлаа ч гэсэн зүгээр л хэн нэгнийг чин сэтгэлээсээ хайрлана гэдэг маш том жаргал шүү дээ. Яаг үүнтэй адил хэзээ ч ирэхийг нь мэдэхгүй чиний хажууд байхгүй хүнийг хүлээнэ гэдэг хүртэл маш том жаргал шүү дээ. Миний хувьд тэр минь энэ дэлхийн яг нөгөө төлд надаас хэдэн мянган км- ын хол /8423 км/  байгаа. Тэрнийг минь явахад бороо шивэрч байсныг би тодоос тод санаж байна. Би өөрөөсөө болоод тэрнийгээ алдсан ч гэсэн 4 жилийн өмнө тэрэндээ хэлж байсан үгс, 2 жилийн өмнө тэрнийгээ явахад амлаж байсан амлалтандаа одоо хэрнэ хүрдэг. Тэрэндээ амласан амлалт, хэлсэн үгэндээ багтаж дуусах болно оо. Хүнд жинхэнэ хайр ганцахан удаа тохиоллдог гэдэгт би итгэдэг. Ганц тохиолдох тэр хайр минь тэрнийгээ гэдэгт би итгэдэг. Анх тэрнийгээ харсан тэр өдрөөс хойш өдөр бүр тэрнийгээ харахдаа ахин ахин дуралдаг. Хичнээн олон жил өнгөрсөн ч гэсэн надад боломж байгаа гэдэгт, бидний хайрын түүх дуусаагүй гэдэгт, тэр минь над дээр нэг л өдөр ирнэ гэдэгт би итгэдэг, итгэсээр байх болно оо . . .  Олон жилийн өмнө тэрэндээ амласан амлалт, хэлсэн үгэндээ хүрсээр ирсэн юм шүү . Энэ амлалтандаа ч багтах болно оо . . . Ханиаа . . .  Анх тэрнийгээ шууд л хайраа биш ханиаа гэж дуудаж билээ. Амьдралыг минь алдаа оноо бүхэнд надтай хамт байж. Энэ л насаа надад хань болж хамтдаа барах хань минь мөн гэдгийг мэдэж байсан болохоор шүү дээ . . . Бурханаас надад өгсөн хамгийн нандин бэлэг минь . . . Заавал над дээрээ эргэж ирээрэй ханиаа . . . Бидний хайрын түүх дуусаагүй гэдэгт би итгэдэг . . .

"... Алдаа бүхэн минь аваачина аж жаргалын үүдэнд
 Чи минь миний амьдралын ганц алдаа шүү дээ ..." 








Friday, March 24, 2017

Дуусаагүй гэдэгт итгэдэг


Би олон хайрын тухай грүппээс өөрсдынхөө хайрын түүхийг олж харж байсан. Миний хайрын түүх бусад хосуудых шиг гайхалтай биш ч гэсэн миний хувьд хамгийн гайхалтай түүх юм шүү. Олон хосыг тэр тусмаа бие биенээсээ хол байдаг хосуудыг бие биенээ улам илүү ойлгоосой, бие биенээ илүү их хайрлаасай гэсэндээ, над шиг алдаа битгий гаргаасай гэсэндээ бидний түүхийг бусадтай хуваалцахыг хүссэн /зөвшөөрсөн/ юм.  Хэрвээ тэр түүхийг уншахыг хэн нэгэн хүсвэл миний энэ блог д байгаа уншиж болно шүү . Би блог доо юм бичиж оруулах бүрдээ дээд хэсэгт нь дууны линк тавьдаг юм. Дуу гэдэг гайхалтай зүйл шүү дээ. Хүн гэдэг аз жаргалтай байх үедээ дууны хөг аялгууг мэдэрч, гуниглаж ганцаардсан үедээ дууны үгийг мэдэрдэг гэдэг. Бас ямар нэгэн гайхалтай дуу сонсоход ямар нэгэн гайхалтай дурсамжиндаа эргэж очсон юм шиг санагддаг шүү дээ ... Энэ блогийг тэрэндээ зориулж сэтгэл дотроо байгаа тэр их зүйлсийн өчүүхэн хэсгийг бусдад бас тэрэндээ жоохон ч гэсэн мэдрүүлэхийг хүсдэг юм. Бас олон хүнийг хайртай хүнээ битгий гомдоогоосой гэсэндээ нэг зүйлийг ухаараасай гэсэндээ нээсэн юм. Тэрнийгээ над дээр иргээд ирээсэй гэж цаг минут бүр залбирч бас хүсдэг. Энэ олон жил өнгөрсөн ч гэсэн хайрын минь түүх дуусаагүй гэдэгт итгэж найдаж сууна даа ... 


Wednesday, March 22, 2017

1000 өдөр


Үнэхээр багагүй урт хугацаа шүү 2 жил 8 сар 24 хоног /1000 өдөр/ ... Энэ өдөр хоног үнэхээр хурдан өнгөрөх юмаа. Саяхан л анх тэрнийгээ автусанд харж байсан юм шиг санагдах юм. Тэр өдрөөс хойш олон жил өнгөрчээ. Одоо тэр минь хажууд байхгүй ч гэсэн өдөр бүр яг л анхны шигээ чамдаа шинээр дурлаж, чамдаа өдөр бүр татагдах юмдаа. Энэ бүхэн үргэлжилсээр байх болно оо. Ахиад ганцахан ганцахан удаа надад боломж олддогсон бол бүх алдаагаа залруулахсан. Гэхдээ тийм өдөр хэзээ нэгэн цагт ирнэ гэдэгт би чин зүрхнээсээ итгэдэг. Hope - итгэл найдвар гэсэн утгатай үг. Тэр минь үргэлж миний итгэл найдвар минь байсан юм байсаар ч байх болно оо. Хамаг сэтгэл, зүрх минь шингэсэн энэ бүх зүйлийг минь тэр минь хэзээ нэгэн өдөр хараасай гэж чин зүрхнээсээ хүсэж байна. Тэр өдөр чи минь миний сэтгэлийг жоохон ч гэсэн мэдрэх байх гэж найдах юм даа ... Энэ бүх зүйл дөнгөж л эхлэл нь юм шүү ... Анх 1000 өдрийн өмнө чамдаа амалсан амлалтандаа одоо хэрнэ багтаж явна даа. Багтсан чигээрээ л дуусах болно оо. Чамдаа энэ гайхалтай өдрийн мэндийг хүргэе ... 


Хүлээлт ...


Зарим хүмүүсийн хувьд энэ үг хэтэрхий үнэ цэнэгүй, амнаас нь амархан унадаг байж болох. Тэр тусмаа одоогийн хүүхдүүдийн хувьд. Хүнийг хүлээнэ гэдэг тэр тусмаа хайртай хүнээ хүлээнэ гэдэг ямар зүйл болохыг яг л над шиг зам мөрийг туулж яваа хүмүүс ойлгох байх л даа ... Гэхдээ зарим хүмүүс хүлээлт гэдэг зүйлийг хэтэрхий амар хялбараар ойлгоод байх шиг. Тэр минь алс хол хүний нутаг луу эрдэм ном сурахаар  яваад урт хугацаа өнгөрч байна. Энэ урт хугацаанд тэрнийгээ дэндүү олон удаа гомдоож, зовоож байсан. Тэр бүх зүйлдээ одоо би цаг минут бүр харамсаж сууна.  Гэхдээ дэргэд минь байхгүй ч гэсэн тэр минь надаас холдсон ч гэсэн өдөр хоног өнгөрөх тусам тэрэндээ улам ихээр дурлаж, хайрлаж, датагдах юм энэ олон жил өнгөрсөн ч гэсэн улам ихээр ... Залуусдаа хэлэхэд хүлээнэ гэдэг үгний үнэ цэнэ хэлэх, ярих биш хийж, харуулахдаа байдаг юм шүү ... 


Сэтгэлийн шарх ...

... Шарх гэдэг зүйл ер нь яг юу юм бэ ? ямар нэгэн эд зүйлээс болж таны бие махбодь гэмтэхийг хэлэх байх л даа. Харин сэтгэлийн шарх гэж яг юу юм бол ??? Хэн нэгэн хүнээс болж хэн нэгэн хүний хэлсэн үг хийсэн үйлдэлээс болж, итгэл алдаж, мэхлэгдэж, магадгүй туйлдаа хүртэл гомдсон сэтгэлийг сэтгэлийн шарх гэх байх. Энэ бол зөвхөн миний л бодол юм шүү. Магадгүй хүн хамгийн их хайралдаг хүндээ хамгийн их гомддог гэж үнэн байх тэхээр магадгүй хамгийн их хайралдаг тэр хүнээсээ хамгийн их сэтгэлийн шархыг авдаг байх. Яагаад энэ зүйлийн талаар бичсэн бэ гэхээр сая нүүрномоо ухаж байгаад тэрний /нөгөө гол дүрийн баатар/ бусадтай хуваалцсан зургийг харсан юм. Би тэрнийгээ хамгийн их гомдоож, тэрэндээ дэндүү их сэтгэлийн шарх үлдээсэн хүн. Гаргасан алдаа бүхэн дээ одоо би цаг минут бүр харамсаж сууна даа. Нэг дуун дээр байдаг даа "Хайрыг олохоос илүү хайрлаж явах хэцүү" гэж энэ маш үнэн үг шүү хүнийг хайрлана гэдэг маш том үүрэг хариуцлага юм шүү залуусаа ...  Хайртай хүнээ олсон бол ясан ч алдаж болдоггүй юм шүү чи хайртайл бол тэрнийхээ төлөө золиос гаргаж өөрчилөгдөж чаддаг байх хэрэгтэй хүнд жинхэнэ хайр ганц л удаа олддог юм шүү .. Над шиг л алдаа битгий гаргаарай залуусаа ... 


Tuesday, March 21, 2017

Хаана байдаг вэ ?


Хамтдаа алхадаг байсан яг л тэр газраараа сая алхаж байгаад гэртээ орж ирлээ. Алхасан алхам бүрт минь, амьсгалсан агаар бүрт минь чи байдаг. Анх над дээр улаан цамцтай, цагаан подволктой, хар иртүүзтэй, хар кеттэй ирж байсан тэр өдрөөс хойш олон жил өнгөрчээ. Хажууд минь байхгүй ч гэсэн холоос хол байгаа ч гэсэн яг л тэр үед чамдаа хэлж байсан тэр л үгэндээ багтаж өдийг хүртэл явж байна. 



Monday, March 20, 2017

1 зүрхэнд 1 л хүн багтдаг юм ш дээ ...


Өчигдөр орой тэрнийхээ хамгийн сайн найз нарын нэгтэй нь чаталсан юм. Чамайгаа санаж байгаа сэтгэл минь жаахан ч гэсэн дэвтсэн юм шүү. Найз нь надаас асуусан юм ийм удаан хугацаа өнгрөөд байхад одоо хэрнэ мартаагүй гэж үү өөр хэн нэгнийг хайрлахгүй гэж үү гэж асуусан юм. Юу гэж дээ хайртай гэж хэлсэндээ дээ л дуусах ёстой шүү дээ ...  1 зүрхэнд 1 л хүн багтдаг юм ш дээ ... Хамтдаа байсансан бол 3 хоногийн дараа 1000 өдөр болох гэж байна шүү дээ буржаграа ... 




8423 км




Би биенээсээ хол байдаг хосуудад хэлэхэд над шиг л алдаа битгий гаргаарай. Хайртай л юм бол итгэ, тэвч, уучил, үнэнч бай, зүгээр л зогсолтгүй хайрла. Хайртай хүнээ алдасныхаа дараа яаж ч харамсаад буцааж болохгүй. Хол байна гэдэг сэтгэл холдоно гэсэн үг биш шүү дээ ...

2015/08/19

Memories


Sunday, March 19, 2017

Битгий март


... Love history of mine ...


Engiin l negen ugluu nartai ghdee tiim ch haluun bish jiriin l negen namriin nalga
r udur bsan yum ugluu bosood nuur garaa ugaachihaad tsaigaa uugaad hicheeldeee gardagaaraa garlaa avtus tiim ch ih huntei bish bi chihevch zuuchihsen bariulnaas bariad yvj bsan yum sanamsargui avtusnii ariin sandal ruu harsan tegsen chine laag tom davhraatai nudtei usee zadgai tavichihsan yag nad shig tom duhtai 😂😂 bas neeh huurhun delden chihtei nudend dulaaahan ohin avtusnii tsonh derelchihsen untaj bsan yum ... /Ter ued avtus donsloh bolgond tolgoigoo tsohiod uvduj bsan bhdaa arzgar chine/ tged l ter ohiniig haraad jan jan jan duralchihsan tged nudee ch salgaj chadahgui shirtej bgaad neg buudal deer buudag l yum bol zaaval yria udnu duu gsen uhaanii yum bdood yvj baital yltachgui buur neg buudal deer buuchihlaa shuu 2 naiztaigaa yag urd l alhaad yvaad blaa bi ch araas ne dagaad yvaad l bailaaa yvaad l bailaaa yunii chine yria uduh baitugai zeregtseed alhaj ch chaddaggui shuu tged genet hicheelteigee sanaad hicheel ruugee guileedee .. Hicheeldee orj suusniihaa daraaa ymar ih haramssan geech /yu ve gheer bolomj garsan ne l bol hiigeed uz zoriglood uz ter tsag hugatsaa chamd ahij oldohgui ahij tiim bolomj ch garahgui bj medne/tged oroi ne gertee ireed facebookee uhaad suuj bsan chine nuguu ohinii chine zurag garaad irdiin nudendee ch itgelgui buun bayr naiziin huselt yvuulaad l ter doroo minii nziin huseltiig avchihdag bgaa tged l ahiad aldaj blohgui shuu gd l zoriglood chat bichlee sain bna uu ?? Uuruus chine yum asuuj blohuu ?? Gd l tgsen chine tegee teg gd l ter dor ne hariu bichdeg bgaa nad luu tged l taniltsaj blohuu gd l chatalj ehelsen yumdaa tged l hamgiin sonin ne yu geech bid 2 ter oroijingoo shunujinguu chatalsan yag ene baidlaaraa barag 7 honog chatalsan bhaa bi bainga l duunuud yvuulna minii yvuulsan duunuudad uneheer ih durtai bsan yum . Tged neg udur oroi alhah sanaatai gereesee garaad alhaj bsan yum tged shiidnii hajuugaar alhaj bsan chine ysan geech nuguu ohin chine shiiden deer zogsoj bdg bgaa tged l genet sags togoldog hun bloid l shiid luu ochood sags togloj ehelvee hamgiin gol ne bi sags togloj chaddaggui yum nuguu ohindoo mundag haragdah gsen sanaa ne tged minii toglono gj yu bhav dee yag ter ued yaj ch sags togolson yum buu med tolgoi dotor zuvhun ter ohin l bodogdoj bsan yumdag tged l toglohoo boliod yvah gj bsan chine nuguu ohin chine hurj irsenee sainuu ? Gdeg bgaa yu computeriin tsaanaas neeh l tom amitan ter ued yu gj helehee ch mddeggui sandraad buun yum bolj bilee tged l ter udur yum yriad l hamtdaa alhaad l ... Ter udruus hoish udr bur chatalj sms bichiltsej haayaa uulzaj hamt alhdag blson yum . Bi ayguu gutrang uzeltei uuriiguu busdaas ayguu doiguur uneldeg muu zantai ghuudeee ter minii ter zand uneheer durgui . Ter l nmaig magtana saishaana zorigjuulna tged l neg mdehed uurtuu itgeltei zorigtoi bolchihson bsan ternii l gavya ghuudee ... /theer ysan bhnuu emegtei hun eregtei huniig gutrang uzeltei uuriigoo dooshoo hiideg zangaas iluu uurtuu itgeltei zorigtoi zaluusd durtai bdag yum tiim blohoor zorigtoi bas uurtuu itgeltei bai gsen ug l dee/ tged bid 2 ene bdlaaaraa barag jil shahuu holbootoi bailaa bi buh zuild uusaj tatagdaj bsan yum ... Tged l zunii neg oroi busad udruudiin l adil hamtdaa alhaj bgad bi zorig gargaad chi minii naiz ohin bolooch geed sanamsargui ch ghuu sanaaatai ch ghuu asuusan yum 😊 getel ter ndad yu gj helsen geech hamgiin huurhun ne bi ali hediin nz ohin chine bolchihson gj bodson sh dee gedeg baigaa 😍😍 bi chine zugeer buun bayr zugeer l agaart nisej blaashdee ter ued tged l ter udruus bid 2 uyerhej ehelsen yumdaa ... Udur buriig hamt ungruunu tsag minut bur l holbootoi baina bi hicheelee taraad l shuud terniihee surguuli deer ochino hicheeliig ne tarhiig huleene /neeh l gangan amitan terendee l saihan haragdah gsen setgel mine/ tged l hamtdaa bainga udur bur irdig neg bakery tei ghuudee tendee orood l suuna daa yum hum ideed l ter bakerygiin egch ner bud 2t buur aimar sain bid 2 baingiin uilchluulegch ne ghuudeee tged oroi bur hamt shiiden deer toglono saadand suuna yag manai bairnii hajuud ayguu tom togloomiin talbai saadtai blohoor bid 2 bainga geriin hajuugaar yvdag bailaa tiim blohoor aav eej 2 maani bainga l hardag bsan bh ... Bid 2iig haraad hun bolgon l ataaarhdag bailaa busad humuusiin hudlaa yrai hel amnaas bolood muudaltsah uy zunduu l gardag bsan yum ghdee terendee denduu ih shunaj duralsan blohoor bi yug ch toodoggui bsan yum /ene dund bi neg zuil heleh gsen yum ene buhen minii l bodol shuu ene buhen uyerhej bgaa hos bolgond tohioldoj bsan bh ehleeed bi terendeee buur denduu ih hairtai tsag minut bur l hamt bhiig husdeg getel ter maani nadad tiim ch sain bish yum shig nmaig toohoo boliod ch baigaa yum shig sanagddag bolloo bid 2 uyerheed 2 3 sar l bolj bsan bhaa ghdee bi tuuniigee hugjuuj gomdoohguig hicheej araas ne uhen hatan l guideg bailaa ahiad 2 3 sar ungruhud bi bish ter mine l nmaig gj uhen hatan guideg bolloo bi ch joohon ul tooh ynztai blood irlee dee ... Yu vee gheeer ene zuil yag uyerhliin yvtsad bdg yum shigee yag neg tiim uy shattai ghuudeee eeljleed biy biydee ulam iheer durlaad l biy biyneesee baga zereg uidaad l ghuudeee hosuud maani ene uyiig l hamtdaa davj garah heregtei bdg bhaaa ene ghdee minii l bodol shuu ghdee bid 2 davj garj chadsan yum/ ter anh ndad 100dahi honogiin mend hurgey geed ayguu tom zurhe hairtsgan dotor duuren tsahiatai aimar olon alpen gold 🍫🍫 ugsun yum bi ch buun bayr oroi ne ochood zahia buriig ne udaanaar unshij bilee ... Tged terniihee tursun udruur beleg selt avah gd l surprise barina gd l baahan yum tuluvlchihsun mungugui shanalaad gertee suuj bsan chine aav eej 2 maani yu gsen geech minii huu naiz ohintoi bolsiin bol aav eejdee hlehgui dee minii huu ymar joohon huuhed bishdee aav eej ne nz ohiniig ne ireeduin manai ber gsen nudeer l harna shuu dee geed nz ohintoi blohoor mungu tugrug heregtei bolno tged tursun udur bolzoo gd l minii huud mungu heregtei gd l mungu ugdug bgaa bi ch buur gaihaad l aav eejdee mash ih bayarlaj bilee .. Ter ued eej maani ndad ailiin ohin uriig gomdoovoo sain hairaldag yum shuu gj helj bsan yum bi ter ugiig hezee ch martdaggui yum ... Tged l terniihee tursun udrig gaihaltai temdgelsendee ... Ter udruus hoish aav eej maani terniig mine manai toromgor alag nudtei altan ber gj duuddag bolson yumdaa 😍😍😍ter nmaig hicheelee taraad ireh burt hool hiij ugdug bsan yum ymar amttai geech unheer gaihaltai haaaya neg hamt bj bhad medehgui utasnaas taniltsii uulziii uchrii nz zaluugaa hayaach gd l msg irdeg bailaaa bi ch neeh toodoggui bsan yum bi tiim ch hartai hun bish l dee /ghdee ygaad ch hardahgui bna gdeg buruu zuil yum shig bna lee hairtai hun chine chamaig uuriig ne busdaas harmaldaggui uurt ne hairgui yum bna gj oilgoh tal bii shuu ghdee yu yunii duhand hurelgui hardaad zovoogood bai gsen ug shuu / bid hoyr uyerheed 2 jil holbootoi blood 3 jil bolj bsan yum negen zunii oroi ter mine ndad neg zuiliin talaar hlsen yum hunii nutagt erdem nom surahaar olon jiliin hugatsaaatai yvah blsonoo ... Bi ch itgej uguhgui blaaa ghdee unen bsan yum tged l udur bur une tsenetei tsag minut bur nandin bolj ehelsen yumdaa tsag minut buriig hamtdaa ungruuj buhii l zuild hamtdaa blaa tged neg l udur ternii mine yvah udur irsen yumdaa umnuh udur bid 2 hamtdaaa zugaalj alhaj udurjinguu hamt bsan yumdag oroi ne buguu bakery dee orood l yum ideh gd nulims ne tsiilgensen 2 hun suuj btal nuguu bakerygiin egch nar ta 2 mine yadiin zugeer uu gd l asuuj garvaa tged l teriigee hunii nutagt olon jileer erdem nom surahaar yvah gj bgag ne margaash ugluu nisehiig ne helsen yum tgsen ter egch nar maani bid 2iig unegui dailaaad hamtdaaa bdag yum shuu gd l ... Tged l terniigee gert ne hurgej uguud shunujinguu chatlaaad l ter mine gants tsag untaad avii gd untsan yum tged l uur tsaih ch duhuj ter maani zalgalaa serchihsen ongotsnii buudal ruu garlaa ongotsnii buudal deer huleej baiy gsen yum yag ene muchid l buh zuil orongooroo ergechihsen yum shig bolj yahaa ch mdehee bolij nud maani haranhuilaad irdeg bgaa ygaad gheer bi yruusuu yag ene muchiig hurtel terniigee yvna gdegt itgej chadahgui bsan yum ... Tged l ongotsniii buudal deer ochloo geriinhen ne ah duu nar nz nar be irchihsen bailaaa bi ch naana ne suugaad bailaa tgsen achaa ntree ugchihuud nad deer hurj ireed l nmaig tas tevreed uilchihsan bi ch gsen tged l terniigee nisehed ne bainga zuudeg zuulteee huzuuneesee avaad terniihee huzuund zuuj uguud ndtai adilhan gdeg bambruushiig ne engert ne tevruuleed als hol hunii nutag luu uden gargaj ugsun yumdaa ... Ternii mine ongots nisesnii daraa shuud l boroo asgaad unasan ... Tged l bid 2 iin hol ch gsen setgeleere biy biyniihee hajuud bdag hund hetsuu udruud ehelsen yumdaa udur bur skypdaj bnga chatalj hamt hicheelee hiine hamt suraltsana hamt uilna hamt zugaalna udur bur tsag minut bur l hamt bdag bailaa ... Ter mine eej aavtai mine egchtei mine bnga holbootoi bdag bsan yum bid 2 buhii l zuiliig hamtdaa hiij ireeduigee hamtdaa tusuulj buhii l zuild ter mine hamt bdg bsan yum udur honog ungruh tusam sanasan setgel mine betgerch terenluugee uurlaj utsaarlaj uuriin mdelgui denduu aimshigtai ugsiig teren luugee heldeg bolloo ter mine ene buhniig toolgui nmaig l gj udur buriig ugluu buriig ndad zoriulj hiisen bichlegtei ugtdag bsan yum huleene gdeg tiim ch amar zuil bish l dee buhii l zuild gantsaardaj guniglaj haashaa ch harsan yu ch bdsin ter mine nudend hargdaj denduu ih gantsaarddag bailaa terneesee ch blood ter yumuu terniigee denduu ih gomdoosondoo gtel ter bugdiig l minii tuluu hiideg ochsoniuhoi daraahan l geriinhneesee turuuleed ndad beleg hurtel yvuulaad l yag odoo ch gsen ternii mine ugsun beleg yag hajuud mine bj l bna ... Udur honog ungursuur terniigee ulam l iheer gomdooh hatuu ugsiig helj holboogui uddag blj ehelsen yum saindaj muudaltsaj udur honog ungursuur neg l mdehed 1 jiliin hugatsaa ungursun bailaa ... Terniigee denduu ih gomdoosondoo yag odoo ch gsen haramsaaad l suuj bna ... Bi tesej huleej chadahgui salii bi chamaig ter olon jil huleej chadahgui gd l denduu aimshigtai hatuu ugs terendee helj bsan ene buhend ter mine tevchij yu ch bloogui yum shig gantshan nmaig l gdeg bsan yum neg l udur ter mine bi chamaas holdson deer bloltoi chamaig ingej zovooj chadahguin ahij chamaas hatuu ugs sonsoj diilehguin gd nadaas holboogoo tasalj ahij hezee ch nad deer urehguigeer yvaad ugsun y yumdaa ... Hairtai hosuud 3 4 sar uyrehsen ch bai 3 4 jil uyrhsrn ch bai salahaa hurvel hezee ch saldag yum Ene buheniig unshaad suuj bgaa humuusiin huvid ene tuuh zugeer l neg bdg engiin l negen tuuh zuil shig sanagdaj magad ghdee minii huvid hamgiin gaihaltai hairiin mine tuuh amidraliin mine hamgiin gaihaltai az jargaltai 3 jiliin hugatsaaa bsan yum ... Ene buhniig yah gj bichsen be gvel etssiin etsest bi yug hleh gsn bee gvel erchuud mine emegtei hun gdg dendu uhaantai denduu uujuu denduu huleetstei gaihaltai humuus bdg yum shuu ... Chi uuralj utsaarlaj gomdoj gutarch tuildaj blno ghdee hiiheesee umnu bodoj hleheesee umnu sain tungaaj bh heregtei yum shuu ug gdeg denduu huchtei chinii amnaaas garsan sanamsargui gantsahan ug l hairtai huniig chine tamd unagaah met zovoodog yum shuu chinii ter zovooj bgaa ter gaihaltai busguin nuurend joohon ch gsen misheel todruulahin tuld uhehed ch belen heden 10 zaluu huleegeed bj bdgiig mdehuu ... Emegtei humuus denduu tevcheertei ch tevcheeriin hyzgaart hurvel chamaig hezee ch hairalj bgaagui yum shig hayaad yvj chadah humuus hairtai l yum bl bitgii gomdoo bitgii uiluul zugeer l busdiig bugdiig ne martaad terniigee l hairla bas hairtai hundee helj bgaa ugs buree bodoltoi helj bai hezee ch nad shig aldaa gargaj blohgui shuu gj l hleh gsen yum odoo nmaig ymar ih haramsaj bgag hen ch oilgohgui bh l daa ... Bas biy biyneesee hol bgaa hosuudad hlehed zugeer l buh zuiliig hamtdaa bgaagaar muruud zugeer l saihan muruud muruudhud mungu tuluhgui shuu dee bas uhaantai bai huleetstei bai tevcheertei bai unenech bai hamgiin gol ne hairtai l yum bol itgej sur bas biy biyniigeee hundelj sur gj hleh gsen yum uneheer tevcheer ne baragdaj tuildaj bgaa bol yah gj ehelsenee sana hamt ungruulsen horom much buhnee eregeed sana theer chi oilgono ... Ghdee nad shig negent buh zuil duussanii daraa oilgoj uhaarch boldoggui yum sh dee ... Humuus odoo mart ntr gdeg l yum bi gaihdiin yaj martah yum bee amidraliinhaa 3 4 jiliig hamtdaa ungruusun henees ch iluu hairalj bsan hunee martana gdeg baij bloshgui zuil shuu dee ... Ta buhen ch gsen boddoo uyerhej biy biyniigee hairlaj, durlaj yvsan ne unen tged l martii geed l or murgui martaj tanihaaa bolichihdoggui biz dee daraa suuld terenteigee taarsan ch gsen haraad hamag zuile sanadag biz dee ... Zugeer l setgeldee amidraliin mine negen gaihalai dursamjiin mine ezen gd sanaad dursaj yvj blohgui gjuu tiim biz de ... Odooo ter mine minii amidraliin hamgiin gaihaltai az jargalta dursamjiin mine ezen ... Hervee ene buhniig duustal ne tevcheertei unshsan bol taniig ymar negen zuiliig busdiin huvid bdg l neg tuuh bh minii huvid hamgiin gaihaltai ch odoo herne nmaig haramsaj iim bdaltai bhad hurgesen ene tuuheees oilgoson gj naidii ... /odoo herne bi denduu ih haramsdag tsag hugatsaag uhraaj boldogson bol gj bddog yum shuu/
...

Ийм байдалтай хэр удахаа ч үнэндээ мэдэхгүй байна

https://www.youtube.com/watch?v=fvEZUbzqqyM           Ахиад л ахиад л шуналдаа хөтлөгдөөд гэрийнх нь гадаа цонхон доор нь очоод суучихс...